Afia Obinim,

Amũkĩra Igongona

Nĩngũkũinĩra rwĩmbo Baba, Baba ũkĩnjigue, rumĩte mũthithũ wa ngoro thĩinĩ
Ndirĩ kĩndũ kĩngĩ kĩega gĩagũkũrehera, amũkĩra igongona rĩa ngoro yakwa.
Ndatũraga nduma-inĩ ũkĩnyonekera, ũkĩrehe ũtheri ngoro yakwa thĩinĩ
Naniĩ rĩu nĩngũkenera, ũtheri ũcio Waku, amũkĩra igongona rĩa ngoro yakwa.

Waringithanirie Mwana Waku wendete mũno, Ndũrũme ya igongona niĩ honoke,
Ũkĩnguĩra mehia makwa, ruo na mĩnyamaro, nyone mweke mũciĩ ũcio wa igũrũ.
Ona mũciari wakwa ndangĩetĩkĩrire, kũndutĩra muoyo wa mwana ũngĩ,
Wendo Waku ni mũnene ndũmenyeka ũrĩa ũtariĩ, amũkĩra igongona rĩa ngoro yakwa.

Nĩngũnyarara ũtonga na indo cia gũthira, tondũ rĩrĩa mehia mahatĩrĩirie
Ndacaririe ũteithio indo-inĩ, nandiateithĩkire, ndakaĩra Baba akĩnyamarũra.
Ngũria muoyo wa mũndũ ũngĩkĩgũrũo nakĩ, kuona indo ciothe cia thĩ itingĩigana?
Mbeca igũrag-o indo iria nyandĩke thogora, ngũria muoyo ũngiuma mbeca cigana?

Hihi ndakinya gwaku, nawanyamũkĩra, nĩũkahe ngarama ya ũhonokio wakwa?
Aca! Ndũkandarĩra marĩa ndũmĩte wĩke, tondũ ndũranyenderia ũhonokio.
Angĩ mahete thiirĩ nĩmandokagĩra, no nĩngũkena atĩ ndũnandũraga
Na nguona no wega tondũ ingĩgĩkũrĩha nakĩ? Amũkĩra igongona rĩa ngoro yakwa.

Kuona atĩ ndũngĩhakwo na indo cia gũthira, nandũngĩhenio nĩ mũndũ ũrĩa ũmbĩte,
Kĩhe ũthingu wa ngoro, ndikaregwo Nĩwe, ngwĩrirĩria gũgatũrania Nawe!
We mwega na mũthingu ndakũinamĩrĩra, nĩ tondũ wa wĩrutanĩria Waku
Ona wĩrutĩri Waku nĩguo ngahonoka, amũkĩra igongona rĩa ngoro yakwa X2
Amũkĩra igongona rĩa ngoro yakwa! X3